- 專輯介紹
- 歌詞
- 專輯列表
黃靜雅
-
流目油
作詞:黃靜雅 作曲:黃靜雅
細漢的時,牽伊的手,公園晃韆鞦。 天真的模樣,古椎閣幼秀,毋知通憂愁。 風飛沙霙著伊的目周,害伊流目油。 日頭刺著阮的目周,害阮流目油。
戀愛的時,牽伊的手,四界去風流。 恩愛的模樣,體貼閣溫柔,河邊的鴛鴦。 雨水滴著伊的目周,害伊流目油。 花芳薰著阮的目周,害阮流目油。
這爾濟冬,牽伊的手,親像夢一場。 有伴是享受,孤單是自由,天邊雲悠悠。 燒酒醉著伊的目周,害伊流目油。 月娘照著阮的目周,害阮流目油。 啊!月娘照著阮的目周,害阮流目油。
------------------------------------------
19020/《流目油》Lâu Ba̍k-iû The Folsom Singers
細漢的時 sè-hàn ê sî 牽伊的手 khan i ê tshiú 公園幌韆鞦 kong-hn̂g hàinn-tshian-tshiu 天真的模樣 thian-tsin ê bôo-iūnn 古錐閣幼秀 kóo-tsui koh iù-siù 毋知通憂愁 m̄-tsai thang iu-tshiû
風飛沙 hong-pue-sua 坱著伊的目睭 ing tio̍h i ê ba̍k-tsiu 害伊流目油 hāi i lâu ba̍k-iû 日頭鑿著阮的目睭 ji̍t-thâu tsha̍k tio̍h gún ê ba̍k-tsiu 害阮流目油 hāi gún lâu ba̍k-iû 更多更詳盡歌詞 在 ※ Mojim.com 魔鏡歌詞網
戀愛的時 luân-ài ê sî 牽伊的手 khan i ê tshiú 四界去風流 sì-kè khì hong-liû 恩愛的模樣 un-ài ê bôo-iūnn 體貼閣溫柔 thé-thiap koh un-jiû 河邊的鴛鴦 hô-pinn ê uan-iunn
雨水滴著伊的目睭 hōo-tsuí tih tio̍h i ê ba̍k-tsiu 害伊流目油 hāi i lâu ba̍k-iû 花芳薰著阮的目睭 hue-phang hun tio̍h gún ê ba̍k-tsiu 害阮流目油 hāi gún lâu ba̍k-iû
遮爾濟冬 tsiah-nī tsē tang 牽伊的手 khan i ê tshiú 親像夢一場 tshin-tshiūnn bāng tsi̍t-tiûnn 有伴是享受 ū-phuānn sī hiáng-siū 孤單是自由 koo-tuann sī tsū-iû 天邊雲悠悠 thinn-pinn hûn iu-iu
燒酒醉著伊的目睭 sio-tsiú tsuì tio̍h i ê ba̍k-tsiu 害伊流目油 hāi i lâu ba̍k-iû 月娘炤著阮的目睭 gue̍h-niû tshiō tio̍h gún ê ba̍k-tsiu 害阮流目油 hāi gún lâu ba̍k-iû
啊~月娘炤著阮的目睭 ah~ gue̍h-niû tshiō tio̍h gún ê ba̍k-tsiu 害阮流目油 hāi gún lâu ba̍k-iû
- 感謝 W.B. Chen 修正歌詞
- 友站連結: W.B. Chen
|