Album songs：
Album Intro：
「這五年的生活光景，都濃縮在專輯當中。」
★ 台語唱作新人曾立馨首張母語專輯
★ 傳統北管與流行音樂的跨界碰撞
★ 攜手製作人 PiA 吳蓓雅共同打造
五年前，曾立馨為了學習北管搬到彰化，原先不習慣被曲館文化制約，曾一度想放棄。歷經人生迷惘與挫折時，因為找到信仰，才逐漸在彰化找到家的歸屬感。在埋頭學習北管、品味小鎮的閒適時，她也開始梳理自己的原生家庭，並將這段期間的思索譜寫成歌曲。
專輯特別邀請 PiA吳蓓雅擔任音樂製作人，攜手將傳統文化融入不同音樂風格，包含華語流行、嘻哈饒舌、爵士、拉丁、Bossa Nova 以及 City Pop 等元素。並邀請客語歌手范宸菲、饒舌歌手阿雞 GLOJ 以及鬥鬧熱走唱隊合作獻唱，為歌曲注入精彩紛呈的風貌。
「是時候慢慢走上回家的路。」
《轉來的路》歌曲主題圍繞在北管文化、廟會陣頭、民俗信仰、告別式、彰化舊城以及個人議題的和解。曾立馨在傳統器樂鏗鏘有力的基底下，訴說內心堅毅柔軟的世界觀，也開啟一段重返家鄉的路途。
※本作品獲文化部影視及流行音樂產業局111年度補助
關於曾立馨
倔強的創作人，出生於台中。2017年發行第一張獨立創作專輯《你想聽到的那些？》後，認為自己的音樂不夠有趣，於是定居彰化學習北管，試圖將生活的所見所聞寫成歌。曾於2022年獲得「臺灣原創流行音樂大獎河洛語組」佳作及現場表演獎。
曲目Lyrics
01. 古早的歌聲（2023 Version）
我捾一跤皮箱 揣理想
行佇彰化的街仔頭 定定咧躇躊
經過梨春園的門口 聽著聲
為著夢想 我蹛佇遮
學習北管的文化 有三冬外
予我來唱著古早的歌聲
「可咿記咿~得咿~咿~
三更半夜和你跳過了粉咿~牆咿~」
未來的路會按怎 毋知影
相信西秦王爺會保庇 保庇我
坐佇梨春園的門口 聽著聲
揣著故鄉的感覺 就是遮
唱著傳統的幼曲 敢若袂䆀聽
予我來唱出古早的心情
「可咿記咿~得咿~咿~
心驚膽戰和你進了繡咿~房咿~
可咿記咿~得咿~咿~
三更半夜和你跳過了粉咿~牆咿~」
註：「」中的詞是北管傳統細曲《可記得》的片段。
02. 聽講
工乂工工 上乂工 工乂工工 乂工上*
聽講 阮阿公是一个總舖師
伊真出名 佇咧彼个年代
聽講 阮阿公是蓋厲害 能文能武是逐家攏知
透早出門就無閒咧辦桌
逐暗佇廟口咧教鼓
和你無緣 這敢是註定
我透早出門就無閒為三頓
逐暗佇廟口咧學鼓
無緣的阿公 你敢知影
這是你查某孫的生活
有時嘛真煩惱 有時著看運命
這是你查某孫的生活
有時嘛真頇顢 定定嘛學袂曉
阿公你敢知影 你的查某孫是真拍拚
阿公你敢知影 你的查某孫是真拍拚
工乂工工 上乂工 工乂工工 乂工上
透早出門就無閒咧作田
逐暗佇廟口咧教鼓
和你無緣 這敢是註定
我透早出門就無閒去唱歌
逐暗佇廟口咧學鼓
無緣的阿公 你敢知影
這是你查某孫的生活
有時嘛真煩惱 有時嘛蓋奢颺
這是你查某孫的生活
有時嘛真頇顢 定定嘛學袂曉
阿公你敢知影 你的查某孫是真拍拚
阿公你敢知影 你的查某孫是真拍拚
阿公你敢知影 你的查某孫是真戇膽
阿公你敢知影 你的查某孫是真拚命
阿公你敢知影
註：*此為北管傳統音樂註記方式，稱為工尺譜，屬於文字譜的一種。
03. 講心事
三月天風微微 毋捌代誌的囡仔時
佇巷仔口騎跤踏車 聽著玲瑯仔聲
叮叮鐺鐺 是開路的香客來矣
媽祖婆欲來矣 到位矣
保庇阮身體健康 順順利利阮事業大趁錢
有事無事 毋管 愛揣祢講心事
保庇阮心情安定 萬事如意 戀愛嘛有消息
食會飽 睏會去 愛揣祢講心事
初一十五愛看著祢
看祢心情才袂空虛
心內的艱苦愛揣祢講 祢著愛保庇
初一十五愛看著祢
看祢心情才袂空虛
心內的艱苦愛揣祢講 祢著愛保庇
有拜有保庇
今仔日又閣是烏暗天
電腦的批 哪會攏是歹消息
若是猶原閣揣無頭路
這幾年按呢是按怎度 是欲按怎度 啊
保庇阮身體健康 順順利利阮事業大趁錢
有事無事 毋管 愛揣祢講心事
保庇阮心情安定 萬事如意 戀愛嘛有消息
食會飽 睏會去 愛揣祢講心事
初一十五愛看著祢
看祢心情才袂空虛
心內的艱苦愛揣祢講 祢著愛保庇
初一十五愛看著祢
看祢心情才袂空虛
心內的艱苦愛揣祢講 祢著愛保庇
有拜有保庇
初一十五愛看著祢
看祢心情才袂空虛
心內的艱苦愛揣祢講 祢著愛保庇
有拜有保庇
04. 二九瞑
飼粉鳥的你定定講
粉鳥 毋管是天邊海角 抑是盤山過嶺
永遠攏知影 轉去的路
按呢我 應該是一隻
揣無路的鳥仔
冷冷的北風
是粉鳥 輸贏的日子
會當平安到厝內
是咱攏向望的代誌
親像 二九暝的暗時
逐家團圓 歡歡喜喜
有一站仔 我無愛踮厝內 想欲離開 罵阮敨氣的日子
這馬我大漢矣 才知影 人生百百款的問題
毋是逐家攏知影 欲按怎做一个好老爸
敢會使莫閣講 予咱攏後悔的歹話
成功抑是失敗
成功抑是失敗
成功抑是失敗 身體上要緊
成功抑是失敗
冷冷的北風
是粉鳥 輸贏的日子
會當平安到厝內
是咱攏向望的代誌
親像 二九暝的暗時
逐家團圓 歡歡喜喜
成功抑是失敗（有啥物意義？）
成功抑是失敗（敢若一齣戲）
成功抑是失敗 身體上要緊
成功抑是失敗（是算啥物？）
成功抑是失敗 是啥物意義？
成功抑是失敗 乾焦一齣戲
成功抑是失敗 身體上要緊
成功抑是失敗
二九暝的暗時 準備牲禮 欲拜祖先矣
你的頭鬃 是啥物時陣 白蔥蔥
成功抑是失敗 就予阮來擔
05. Interlude：烏面三媽
虛詞
06. 月娘
啥物款的心情啊～ 恬恬仔過日
啥物款的角色啊～ 是真正的你
月娘彎彎 咧笑 月娘圓圓 咧看
逐日攏佇遐
遠遠仔看 文文仔笑
親像媽媽
月娘啊～月娘 你敢有咧笑
月娘啊～月娘 你敢有咧聽
家己的心聲
是啥物款的心情 啊～啊～
家己的心聲
是啥物款的心情 啊～啊～
（客語）
佢早就慣了 早就慣了
月光 就在該 就在該 係日常所在
有一日𠊎發現著 𠊎記毋得
佢个聲 佢个面 佢个眼
淨伸 風在該吹
目睭彎彎 咧笑 目睭金金 咧看
無仝款的面容
共阮疼惜 共咱看顧
恬恬仔過日（慢慢仔想起）
月娘啊～月娘 你敢有咧笑
（佢个聲 𠊎个面）
月娘啊～月娘 你敢有咧聽
（毋多知仔 慣了）（淨伸風在該吹）
月娘啊～月娘 你敢有咧哭
（落雨个日 日頭个日）（就在該 就在該）
月娘啊～月娘 你敢有問過家己
（月光 係日常所在）
家己的心聲
是啥物款的心情 啊～啊～
家己的心聲（自家个心聲）
是啥物款的心情（係仰般个心性） 啊～啊～
月娘啊～月娘 （佢个聲 𠊎个面）
月娘啊～月娘 （毋多知仔 慣了）
月娘啊～月娘 （淨伸風在該吹）
月娘啊～月娘
定定講免煩惱你
你敢有一个通歇喘的所在 啊～
定定講免煩惱你
你敢有一个通歇喘的所在
啥物款的心情 啊～ 恬恬仔過日
啥物款的角色 啊～ 是真正的你
07.學北管
學北管 毋是逐家所想的遐爾簡單
捌小可Do Re Mi 當做家己會曉
恁敢知啥物是六五乙
先的講就愛會記得 北管的工尺譜 *
上工工乂上乂乂六工 乂上乂上
上乂工凡六五乙*
上工乂工上乂上五六工六五 上工乂工
先的講就愛會記得 北管的鼓介**
嘟嚕啦大 咯咚嘟 吼七吼七七吼七七吼七以七
（Tú-lú lah-tá kōo-tòng-tù khuàng tshi khuàng tshi tshi khuàng tshi tshi khuàng tshi ì tshi）
人講介一**愛接火炮** 閣來介三**斬煞喔
吼吼咚吼 吼吼咚吼
（khuáng khuáng tòng khuáng khuáng khuáng tòng khuáng）
為著理想 搬到彰化
學北管 毋是戇人所想的 遐爾簡單
毋是戇人所想的 遐爾簡單
真鑼假鈔佮嘐潲鼓 大鈔隨在你插 （當做家己會曉）
鼓箸捎咧凊彩拍 先來火炮 閣來哭相思**（紲落過場囉）
三百年的文化 毋是我所想的遐爾簡單
先的講 唱曲愛記得 對拍的板撩***
（學北管 毋是戇人所想的遐爾簡單 毋是戇人所想的遐爾簡單）
板是正拍 撩是後板
（學北管 學北管 學北管 板 撩 板 撩 板 撩 板 撩）
先的講 火炮是定定用的鼓介 是起頭嘛是收尾
先的講 有閒來遮 罔挩罔挩就會曉
鼓喙**是
大 嘟嚕 吼七吼七
(tá tú-lú khuàng tshi khuàng tshi)
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
真鑼假鈔佮嘐潲鼓 大鈔隨在你插（當做家己會曉）
鼓箸捎咧凊彩拍
先來火炮 閣來哭相思（紲落過場囉）
三百年的文化 毋是我所想的遐爾簡單
Ah～Ah～ Hey Yeah～ Yeah Yeah Yeah Yeah
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
(毋是戇人所想的遐爾簡單)
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
(毋是戇人所想的遐爾簡單)
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
(毋是戇人所想的遐爾簡單)
吼啊哢咚七啊哢咚 吼啊哢咚七叭哢咚吼
(khuáng ah lòng tòng tshi ah lòng tòng khuáng ah lòng tòng tshi pa̍h lòng tòng khuàng)
(毋是戇人所想的遐爾簡單)
註：*「上乂工凡六五乙」為北管傳統音樂註記方式，稱為工尺譜，屬於文字譜的一種。
註：**「鼓介」等同於「鼓喙」（又稱鑼鼓經）是北管鑼鼓樂器的打擊口訣。包含數十種打法，如介一、介三、火炮、哭相思都是鼓介名稱。
註：***「板撩」為北管數節拍的標記方式。
註：Lyrics中工尺譜及鑼鼓經採用彰化梨春園北管樂團慣用標記方式。
08.看鬧熱
是啥物時陣 逐擺看著你 攏會歹勢（歹勢 歹勢）
是啥物時陣 我遐爾仔 愛看鬧熱
是啥物時陣 我開始 食你上愛的四秀仔
陣頭鬧熱𩑾插
人未到 聲先到
拍拳頭 有夠力 害我心內咧 噗噗跳 噗噗跳 心內咧 噗噗跳
有夠力 害我心內咧 噗噗跳 噗噗跳 噗噗跳
透早 跤踏馬路 望向天空 親像就欲落雨
沃袂化 跤步手路 功夫補強 看看時間冗剩
我四界行行踅踅骨力搜揣我愛食的四秀仔
感覺面熟的你行來相對看
欸 敢若是你害我 捙倒擔
拍拳頭 有夠力 害我心內咧 噗噗跳 噗噗跳 心內咧 噗噗跳
有夠力 害我心內咧 噗噗跳 噗噗跳 噗噗跳
哈 我毋願一个人 偷偷仔看親像覕相揣
啊啊啊 哈 我啥物時陣才會當 會當牽你的手
拍拳頭 有夠力 害我心內咧 boom boom跳 boom boom跳 心內咧 boom boom跳
有夠力 害我心內咧 boom boom跳 boom boom跳 boom boom跳
拍拳頭 有夠力 害我心內咧 boom boom跳 boom boom跳 心內咧 boom boom跳
（綴著我來跳前 跳後 跳到盹龜跳到出事）
有夠力 害我心內咧 boom boom跳 boom boom跳 boom boom跳
（綴著我來跳懸 跳低 跳過師傅跳上宇宙）
09. 最後一場
天猶未光 風冷冷 四點的路燈 微微仔光
毋知是第幾瞑 親像咧眠夢
猶未清醒 就已經為你 準備出門
你看來是 愛鬧熱 無佮意悲傷
囝孫仔 揣你上愛的辣妹跳舞
北管佮牽亡 是你的意思
今仔日是你的 最後一場
一家伙仔親像閣有 足濟話 嘛袂赴 共你講
猶有足濟道理 和你交代的代誌
你的教示 𪜶會記佇心肝底
一家伙仔親像閣有 一寡工課 嘛袂赴替你做
你愛的演唱會 閣有環遊世界
你就放心序細 好好去𨑨迌
最後一場 予我替你 好好發落
你看來是愛鬧熱 無佮意悲傷
囝孫仔 揣你上愛的辣妹跳舞
孝女白琴 可能無啥興趣
今仔日是你的 最後一場
一家伙仔親像閣有 足濟話 嘛袂赴共你講
猶有足濟道理 和你交代的代誌
你的教示 𪜶會記佇心肝底
一家伙仔親像閣有 一寡工課 嘛袂赴替你做
你愛的演唱會 閣有環遊世界
你就放心序細 好好去𨑨迌
最後一場 予我替你 好好發落
10. 也是
一枝草 一點露*
看你 歸工佇厝 無攬無拈
看你 睏甲眠眠 茫茫渺渺
燒風那吹 規身驅黏黐黐
悶熱的夏天 我逃進了小房間
悶熱的空間 我又掉進夢裡面 糜爛的自己
混混沌沌越想越多 半夢半醒有話想說
我也是有感覺的 我不想聽誰的
人講 一枝草 一點露
人講 一枝草 一點露
一枝草 一點露
可不可以釋放自己
怎麼悲傷怎麼哭泣
可不可以放過自己
不要再過度努力
盛夏的午後 我躲進了小房間（來了）
昏暗的空間 我又掉進夢裡面
混混沌沌越想越多 半夢半醒有話想說（奴看他 睡在咿）
我也是有感覺的 我不想聽誰的（牙床咿上）
人講 一枝草 一點露
人講 一枝草 一點露
一枝草 一點露
可不可以釋放自己
怎麼悲傷怎麼哭泣
可不可以放過自己
可不可以釋放自己
怎麼悲傷怎麼哭泣
可不可以相信自己
不要再放棄努力
註：*台灣俗諺意指天無絕人之路，如同露水始終帶給草兒生命一樣。
註：（）中的詞是擷取北管戲曲〈紅娘送書〉片段，出自《西廂記》。
11. 心內的地圖
oh oh 心內的地圖
心內的地圖 oh oh 一步一步
小小的城 一步一步行
是阿媽的思念佮阿公的故事
小小的城 一步一步行
有轉來故鄉的意志
離開故鄉的意念
城門消失的城 伊的子民攏有心內的地圖
城門消失的城 伊的地界猶原記持是三百歲
來喔 行一擺心內的地圖
乾焦遮的囡仔有按呢記持
來看走街仔先 一支「秤仔」鬥鬧熱
徛佇小西街 麻糍 肉圓 秫米糋
心內的地圖 oh oh 心內的地圖
心內的地圖 oh oh 一步一步
心內的地圖 oh oh 心內的地圖
心內的地圖 一步一步
一步一步行過香爐 聽著我的心願
一步一步行到曲館 舞台頂 眾仙出台
一步一步毋驚辛苦 擔蔥賣菜
提著喙食物仔 平常的滋味
來喔 行一擺心內的地圖
乾焦遮的囡仔有按呢記持
來看走街仔先 一支「秤仔」鬥鬧熱
徛佇小西街 麻糍 肉圓 秫米糋
心內的地圖 oh oh 心內的地圖
心內的地圖 oh oh 一步一步
心內的地圖 oh oh 心內的地圖
心內的地圖 一步一步
一步一步行過香爐 聽著我的心願
一步一步行到曲館 舞台頂 眾仙出台
一步一步毋驚辛苦 擔蔥賣菜
提著喙食物仔 平常的滋味
來喔 行一擺心內的地圖
乾焦按呢的城會使沓沓仔行
沓沓仔行 沓沓仔行 沓沓仔行 一步一步
|
