- Album Intro
- Lyrics
- Album list
- Singer Intro
許富凱
-
中山交番
23104/《中山交番》Tiong-san Kau-huan (Kōban) 許富凱Khóo Hù-khái
袂當公然採蜜的蜂 buē-tàng kong-jiân tshái-bi̍t ê phang 三更半暝閣佇花欉 sann-kinn-puànn-mî koh tī hue-tsâng 花欉燈光暗淡 hue-tsâng ting-kng àm-tām 是靈魂內底 sī lîng-hûn lāi-té 無出口的空 bô tshut-kháu ê khang
拍開光映映的花欉 phah-khui kng iànn-iànn ê hue-tsâng 有驚惶包裝空虛的採花蜂 ū kiann-hiânn pau-tsong khang-hi ê tshái-hue-phang 證件提出來 tsìng-kiānn the̍h--tshut-lâi 證明你清清氣氣的一世人 tsìng-bîng lí tshing-tshing-khì-khì ê tsi̍t-sì-lâng
花蕊逐暝用酒精咧淋 hue-luí ta̍k-mê iōng tsiú-tsing teh lâm 淋出胭脂崁袂牢的空縫 lâm tshut ian-tsi khàm buē-tiâu ê khang-phāng 興到一半的採花蜂 hìng kàu tsi̍t-puànn ê tshái-hue-phang 猶閣睏佇 iáu-koh khùn tī 袂赴回魂的青春夢 buē-hù huê-hûn ê tshing-tshun-bāng
山頂的動物攏真可愛 suann-tíng ê tōng-bu̍t lóng tsin khó-ài 為著生存咧相刣 uī-tio̍h sing-tsûn teh sio-thâi 善良的心意絞做伙 siān-liông ê sim-ì ká tsò-hué 絞出險惡的社會 ká tshut hiám-ok ê siā-huē 無人佮意為難啥人 bô-lâng kah-ì uî-lân siánn-lâng 咱攏是孤不而將咧勞動 lán lóng-sī koo-put-jî-tsiong teh lô-tāng Find more lyrics at ※ Mojim.com 證件提出來 tsìng-kiānn the̍h--tshut-lâi 欲按怎證明 beh án-tsuánn tsìng-bîng 你清清氣氣的一世人 lí tshing-tshing-khì-khì ê tsi̍t-sì-lâng
花蕊逐暝用芳水咧崁 hue-luí ta̍k-mê iōng phang-tsuí teh khàm 敢是花期已經無希望 kám-sī hue-kî í-king bô hi-bāng 醉生夢死的採花蜂 tsuì-sing bāng-sí ê tshái-hue-phang 蜂岫內底 phang-siū lāi-té 敢猶閣有心愛的人 kám iáu-koh ū sim-ài ê lâng
隨人有隨人的都合 suî-lâng ū suî-lâng ê too-ha̍p 行到尾路 kiânn kàu bué-lōo 攏是無尾巷 lóng-sī bô-bué-hāng 隨人有隨人的向望 suî-lâng ū suî-lâng ê ǹg-bāng 望到貼底 bāng kàu tah-té 目箍已經紅紅紅 ba̍k-khoo í-king a̋ng-âng-âng
隨人有隨人的疼痛 suî-lâng ū suî-lâng ê thiànn-thàng 只賰悲哀 tsí tshun pi-ai 逐家攏相 ta̍k-ke lóng sio-siōng 證件提出來 tsìng-kiānn the̍h--tshut-lâi 啥人有法度證明 siánn-lâng ū huat-tōo tsìng-bîng 伊清清氣氣的一世人 i tshing-tshing-khì-khì ê tsi̍t-sì-lâng
- Special thanks to W.B. Chen for sharing the lyric.
- Related Links: W.B. Chen
|